Ministri i Mbrojtjes, Armend Mehaj, ka marrë dozën e dytë të vaksinës anti-Covid.
Mehaj tha se është shumë e rëndësishme vaksinimi për t’u arritur imunizimi.
“Unë kisha thonë të gjithëve se me rëndësi për shtetin familjar dhe mërgimtar secilit që ka mundësi ta merr vaksinën. Edhe forcat e sigurisë dhe policia janë në atë drejtim”.
Ministri Mehaj dozën e dytë e mori në sallën “1 Tetori”, në Prishtinë.
Kosova nisi vaksinimin kundër Coronavirusit në fund të marsit, ndërkaq më 15 qershor nisi vaksinimi masiv. Deri më 7 korrik, në Kosovë janë vaksinuar mbi 236 mijë qytetarë, ku rreth 58 mijë prej tyre janë vaksinuar plotësisht.
