Ministri i Mbrojtjes, Ejup Maqedonci për RTK ka theksuar se FSK-ja është angazhuar në patrullim dhe sigurim të pikave kyçe të infrastrukturës kritike të Kosovës, për t`i mbrojtur ato nga çfarëdo rreziku dhe nga çdo forcë armiqësore ndaj Kosovës dhe qytetarëve të saj.
Ministri Maqedonci ka theksuar këto detyra për FSK-në kanë adhur nga vendimet e marra në takimin e fundit të Këshillit të Sigurisë, për angazhimin e Forcës në mbështetje të autoriteteve civile.
Sipas tij, këto detyra FSK i kryen bazuar në misionin që ka dhe për t'i dal në ndihmë Policisë së Kosovës.
Maqedonci ka theksuar se njësitë e FSK-së patrollojnë në pika kyçe të infrastrukturës kritike fizike në Kosovë, kryesisht në pendat e liqejve dhe përgjatë kanalet të Ibër-Lepencit për t'i mbrojtur nga sulmet eventuale.
Ai ka thënë se njësitet patrullojnë natën dhe ditën dhe janë ne krye te detyrës.
Sipas tij, institucionet e sigurisë e Republikës së Kosovës, janë në koordinim të plotë dhe të vazhdueshëm për t'iu përgjigjur nevojave të mbrojtjes së shtetit dhe qytetarëve, si dhe sfidave të ambientit të sigurisë.
