Nuk ka dorëzim, megjithatë nuk ka përfunduar gjithçka – pasi që shpirti luftarak i lëvizjes kundër talibanëve është rikthyer në skenë, pavarësisht që mbrëmë talebanët morën nën kontroll Kabulin pas dorëzimit të ushtrisë afgane.
Në Twitter është shfaqur videoja e asaj që duket sikur fillimi i organizimit të lëvizjes kundër talebanëve dhe Al Qaedas.
Forcat e armatosura do t’i udhëheq Ahmad Massoud, djali i Ahmad Shah Massoud i njohur si “luani i luginës Panjshir” që luftoi brutalisht kundër ushtrisë sovjetike në operacionin “Magjistralja” gjatë vitit 1989, që më vonë u bë lider i muxhahedinëve dhe lider i Aleancës 7, që u themelua kur talebanët erdhën për herë të parë në pushtet në Afganistan në vitin 1996.
Djali i tij Ahmad i cili asokohe ishte fëmijë, ka ndjekur hapat e babait dhe ka vendosur t’ua tregojë dhëmbët xhihadistëve dhe të hakmerret në emër të babait.
Ndryshe lugina Panjshir është rajoni i vetëm në Afganistan që xhihadistët kurrë nuk kanë shkelur. Në videon e publikuar më poshtë shihet Ahmad Massoud i njohur si Tajik, së bashku me bashkëluftëtarët duke u futur në helikopterin Mi-17V5 të ushtrisë afgane duke u nisur në një lokacion të panjohur.
#BREAKING: First resistance military force against #Taliban is going to be formed by #AhmadMasoud, son of Great #AhmadShahMasoud in #Panjshir valley. Panjshir is the only district in #Afghanistan that #Taliban has not managed to capture! Many ex-Afghan Army troops have joined him pic.twitter.com/XVnBZGpgh6
— Babak Taghvaee - Μπάπακ Τακβαίε - بابک تقوایی (@BabakTaghvaee) August 16, 2021
