Një raketë balistike e lansuar drejt Izraelit nga Jemeni me sukses është shkatërruar nga mbrojtja kundërajrore izraelite, kanë njoftuar nga IDF-ja.
Sirenat u aktivizuan menjëherë në pjesën qendrore të Izraelit, kurse copëzat e raketës së shkatërruar kanë rënë brenda territorit të Izraelit.
Katër persona janë lënduar derisa po vraponin drejt strehimoreve dhe sirenat dëgjoheshin që paralajmëronin sulme të mundshme.
Personi i pestë është trajtuar me lëndime të lehta u bë e ditur nga ekipet emergjente në terren, transmeton Telegrafi.
Raketa është rrëzuar nga sistemi i mbrojtjes ajrore Arrow, që është dizajnuar për të shkatërruar raketat balistike derisa janë akoma jashtë atmosferës.
Sipas forcave ajrore izraelite, raketa është rrëzuar në një lartësi tejet të lartë.
