Pas më shumë se një vit luftë në Lindjen e Mesme, Izraeli tashmë ka duar plot. Por ritmi i ngjarjeve në Siri, fqinjin e tij verior, do të jetë një shqetësim i vërtetë.
Ushtarakët izraelitë kanë transferuar forca shtesë në Lartësitë Golan, të cilat i kapën nga Siria në vitin 1967.
Benjamin Netanyahu ka njoftuar se forcat e tij do të pushtojnë përkohësisht zonën tampon midis dy vendeve, e cila ka ekzistuar që nga viti 1974.
IDF gjithashtu ka paralajmëruar banorët e pesë fshatrave në jug të Sirisë të qëndrojnë në shtëpitë e tyre, sepse Izraeli nuk do të hezitojë të veprojë nëse do të mendojë se është e nevojshme.
Në kushte normale, veprime të tilla do të konsideroheshin tepër provokuese dhe mjaftueshëm për të nisur një luftë. Izraeli është veçanërisht i shqetësuar për atë se kush mund të marrë kontrollin mbi armët kimike të Bashar al-Asadit, shkruan BBC transmeton "Bota sot".
Gjatë kryengritjes siriane të vitit 2011, Izraeli bëri llogaritjen se presidenti Asad, megjithëse ishte aleat i Iranit dhe Hezbollahut, ishte një mundësi më e mirë sesa ajo që mund të pasonte pas regjimit të tij. Ky është një tregues i kompleksitetit të kësaj regjioni.
Izraeli tani do të përpiqet të llogarisë se çfarë do të ndodhë më pas në Siri. Si të gjithë të tjerët, ai mund vetëm të hamendësojë.
