Për disa vite, Idlibi mbeti një fushëbetejë, ndërsa forcat e qeverisë siriane përpiqeshin të ribinin kontrollin.
Por në vitin 2020, Turqia dhe Rusia ndërmjetësuan një armëpushim për të ndaluar një ofensivë nga qeveria për të rimarrë Idlibin. Armëpushimi qëndroi në mënyrë të përgjithshme, pavarësisht luftërave të herëpashershme, shkruan BBC transmeton "Bota sot".
Hayat Tahrir al-Sham dhe aleatët e saj njoftuan më 27 nëntor se kishin nisur një ofensivë për "të penguar agresionin", duke akuzuar qeverinë dhe milicët e mbështetur nga Irani për rritjen e sulmeve ndaj civilëve.
Por kjo ndodhi në një kohë kur qeveria ishte dobësuar nga vitet e luftës, sanksionet dhe korrupsioni – ndërkohë që aleatët Rusia dhe Irani ishin të angazhuar me konflikte të tjera.
Grupi Hezbollah i mbështetur nga Irani kishte pësuar kohët e fundit nga ofensiva e Izraelit në Liban. Goditjet izraelite kishin eliminuar komandantët ushtarakë iranianë në Siri, dhe Rusia ishte shpërqendruar nga lufta në Ukrainë.
Pa to, forcat e Asadit mbetën të pambrojtura.
