Golden Eagle Ylli fitoi duelin verdhezi ndaj Pejës me rezultat 92:84 (39:16, 18:20, 19:16, 16:32), në javën e 11-të të ProCredit Superligës.
Ylli e nisi për mrekulli, me një seri të jashtëzakonshme, rekord për këtë edicion 16:0, për të qenë në epërsi të madhe në çerekun e parë që e fitoi 39:16.
Kjo ishte vendimtare për këtë ndeshje.
Perioda e dytë dhe e tretë ishin më të baraspeshuara, 18:20 dhe 19:16, derisa në dhjetë minutat e fundit, mysafirët tentuan rikthimin, por nuk ia arritën qëllimit, ku vetëm ngushtuan epërsinë, derisa Ylli triumfoi 92:84.
Te vendasit u dalluan Jalen Nesbitt me 20 pikë e nëntë kërcime, Lis Shoshi me 14 pikë e 11 kërcime dhe William Tavares me 22 pikë, katër kërcime e katër asistime, derisa te mysafirët më i miri ishte Dardan Berisha me 24 pikë, tri kërcime e tri asistime.
Golden Eagle Ylli ka gjashtë fitore e pesë humbje, ndërsa Peja pesë fitore e gjashtë humbje.
