Të dielën luhet beteja e radhës mes BC Çair dhe KK Kumanovo e për këtë arsye klubi shqiptar ju ka bërë thirrje tifozëve që të jenë të shumtë në mbështetje të skuadrës.
Në një postin në “Facebook”, BC Çair kërkon nga ata që të mos mungojnë në këtë ndeshje të rëndësishme.
" Të dielën – Duel vendimtar
Të dielën, nga ora 18:30, palestra jonë “Shaban Tërstena” do të jetë arenë e një përballjeje të jashtëzakonshme! KB Çair 2030 do të ndeshet me KK Kumanova në një sfidë që mund të përcaktojë fatin e gjysmësezonës.
Vetëm dy ndeshje na ndajnë nga fundi i kësaj faze, dhe fitorja është detyrim për të qëndruar në krye të tabelës. Por për ta arritur këtë, na duhet forca juaj – publiku ynë i zjarrtë, që gjithmonë na ka dhënë krahë drejt suksesit!", njofton klubi.
