Sigal Prishtina ndalet në ENBL në basketboll.
Basketbollistët e Prishtinës pësuan humbje me rezultat 82:80 (17:27, 21:20,18:22, 26:11) nga Dinamon e Zagrebit.
Çudia ndodhi në çerekun e katërt, ku Dinamo humbjen e sigurtë e shndërroi në fitore spektakolare.
Pamje nga ndeshja
Atmosferë impozante në Qendrën e Kulturës, Rinisë dhe Sportit në Prishitnë, ku ishte e mbushur përplot, sidomos tifzozët “Plisat” i dhanë zemër basketbollistëve prishtinas.
Në çerekun e dytë skuadra nga Zagrebit ishte për një pikë më e mirë.
Prishtina shkoi në pushim me 9 pikë dallim (47:38).
Në minutën e 30-të Prishtina thelloi epërsi në 13 pikë (67:54) ndaj Dinamos.
Çudia ndodhi në çerekun e fundit, ku Dinamo bëri mrekullinë dhe ngadhënjeu me 2 pikë dallim (82:80) ndaj Prishtinës.
Pikët e fitores i realizoi Delonnie Mikell Hunt, tre sekonda nga fundi.
Hunt e mbylli ndeshjen me 26 pikë, kurse te vendasit më i dalluari ishte Adrio Bailey me 29 pikë e gjashtë kërcime.
Bardhekaltrit pësuan humbjen e parë.
Prishtina kryeson në grupin B me 7 pikë apo ka 3 fitore e 1 humbje, ndërsa Dinamo është në pozitën e 7-të me 4 pikë ( dy fitore në dy ndeshje).
