Ylli i TikTok-ut dhe modelja Gaxiola Orozco u vra kur u vu në shënjestër nga një person me armë, ndërsa ishte ulur në Mercedesin e saj Benz.
Një yll i njohur i TikTok-ut dhe modelja është qëlluar për vdekje jashtë një palestër, sipas raporteve, në një sulm të organizuar, shkruan the sun transmeton "Bota sot".
Fedra Oded Gaxiola Orozco, 24 vjeçe, u qëllua në mes të ditës ndërsa ishte ulur në Mercedesin e saj të zi të enjten. Ylli i njohur i mediave sociale ishte parkur jashtë palestrës Hardcore Fitness në lagjen López Lucio të Tijuana, Meksikë, kur u vra tragjikisht.
Dëshmitarët në vendngjarje i thanë policisë se autori i krimit u largua me një automjet Chevrolet HHR pasi qëlloi yllin e TikTok-ut përmes dritares së makinës së saj. Ata gjithashtu pohuan se kishte më shumë se një person të përfshirë në këtë krim të tmerrshëm. Aktualisht, policia ka nisur një kërkim për të gjetur autorët e krimit.
Prokurori i njësisë për vrasjet, Miguel Ángel Gaxiola Rodríguez, tha se hetimi tregon për një të dyshuar që ka vepruar vetëm dhe ka synuar gruan. Deri tani nuk ka pasur të ndaluar, dhe hetimi vazhdon.
Ylli i TikTok-ut Orozco kishte mbi 200,000 ndjekës në Instagram dhe TikTok dhe shpesh bashkëpunonte me marka të veshjeve sportive dhe estetike. Ndjekësit e saj ishin në rritje falë përmbajtjes së saj të trendit para vdekjes tragjike.
Kjo ndodhi vetëm disa muaj pas vrasjes së një tjetër influencereje dhe ylli të TikTok-ut, e cila u qëllua për vdekje përkrah të dashurit të saj jashtë një palestere në Meksikë.
TikToker Vielka Pulido u pa, së bashku me të dashurin e saj, duke zbritur nga një makinë Hyundai kur një sulmues në BMW papritur shkarkoi një breshri plumbash në çift, duke i shtyrë njerëzit aty pranë të vrapojnë për t'u mbrojtur.
