Emma Watson ishte epitoma e elegancës në një fustan mahnitës Gucci, teksa u pa gjatë fundjavës në kuadër të edicionit të 82-të të Festivalit Ndërkombëtar të Filmit në Venecia.
Aktorja e “Harry Potter”, 35 vjeçe, bëri një paraqitje plot stil në qytetin italian, duke tërhequr vëmendjen me një fustan mini pa mëngë në ngjyrë bezhë, i kombinuar me xhepa lëkure elegante.
Emma u pa duke buzëqeshur dhe përshëndetur fansat, teksa dilte nga hoteli luksoz Excelsior për t’u nisur me varkë.
Ylli i filmit “Little Women” e kompletoi pamjen me taka elegante ngjyrë nude, syze dielli Ray-Ban dhe bizhuteri të hijshme e delikate.
Para këtij prezantimi në festivalin e njohur, Emma kishte shijuar disa ditë pushimi në Saint-Tropez të Francës. Pushimet pasuan pas daljes së saj publike në qershor, ku u pa në Oksford pranë një personi që përflitet si dashuria e saj e re.
