Dua Lipa e ka nisur vitin 2026 duke shijuar disa ditë pushimi, pasi në fund të vitit të kaluar përmbylli turneun e saj Radical Optimism.
Këngëtarja 30-vjeçare ka sfiduar të ftohtin dhe borën në shoqërinë e të fejuarit të saj, Callum Turner, duke shëtitur dhe kaluar kohë në Paris gjatë javës së fundit.
Të shtunën, Dua ndau në Instagram një sërë fotografish nga fillimi i vitit, të shoqëruara me përshkrimin: “Bigtime cosy ❄️”.
Ajo është parë gjithashtu duke shijuar momente qetësie në Mbretërinë e Bashkuar, ku bashkë me Callum kanë dalë për shëtitje në borë së bashku me qenin e tyre.
Dua u shfaq e veshur me një pallto ngjyrë bezhë prej gëzofi, një kapele të kuqe, xhinse dhe çizme gome, duke reflektuar një stil të ngrohtë dhe praktik për ditët e ftohta.
Ndërkohë, në kryeqytetin francez, këngëtarja dukej elegante dhe plot stil, e veshur me një xhaketë krem dhe të zezë me detaje fjongoje, teksa pozonte për një selfie para pasqyrës.
