Ellie Goulding shfaqi barkun e saj të rrumbullakosur me pantallona të shkurtra prej dantelle, teksa ndau një seri fotografish në Instagram të enjten, përpara se të mirëpresë fëmijën e saj të parë me të dashurin Beau Minniear.
Këngëtarja 39-vjeçare, e cila tashmë ka një djalë katërvjeçar, Arthur, nga ish-bashkëshorti Caspar Jopling, doli e veshur me këtë outfit të veçantë për të festuar ditëlindjen e shoqes së saj.
Për këtë dalje, Ellie veshi një palë pantallona të shkurtra prej mëndafshi ngjyrë jeshile, të cilat i kombinoi me geta të zeza transparente, shkruan "Daily Mail", transmeton "Bota sot".
Ajo i shtoi ngjyra pamjes së saj me një xhaketë të kuqe të shkurtër me mëngë treçerekëshe, që kishte detaje blu të ndezura.
Duke i shtuar gjatësi siluetës së saj, Ellie veshi një palë taka të zeza stileto dhe e kompletoi pamjen me syze dielli të zeza.
Për ta përmbyllur veshjen e saj të relaksuar, ajo mbante me vete një çantë të verdhë YSL. Ellie zbuloi shtatzëninë e saj teksa ecte në tapetin e kuq të Fashion Awards në fillim të dhjetorit.
