I nderuar z. Hashim Thaçi, ish-President i Republikës së Kosovës, e nderuar familje Thaçi,
Me pikëllim të thellë morëm lajmin për ndarjen nga jeta të babait tuaj të dashur. Në këtë moment të dhimbshëm, stafi i Institutit Helvetik i Evropës Juglindore, me seli në Cyrih, ju shpreh ngushëllimet më të sinqerta juve, ish-Presidentit të Kosovës, z. Hashim Thaçi, dhe gjithë familjes suaj.
Humbja e një prindi është një dhimbje shumë e madhe dhe e pazëvendësueshme, por vepra dhe kujtimi i tij do të mbeten të përjetshme në zemrat e të afërmve, miqve dhe gjithë atyre që e njohën. Në këto çaste dhimbjeje, jemi pranë jush me mendje dhe zemër. Lutemi që shpirti i tij të pushojë në parajsë dhe që ju të gjeni forcën për të përballuar këtë dhimbje. I përjetshëm kujtimi!
Me respekt dhe ngushëllime të sinqerta,
Instituti Helvetik i Evropës Juglindore
Cyrih, 16 mars, 2025
