Një 22-vjeçar shqiptar u arrestua javën e kaluar nga oficerët e karabinierëve të degës së Città della Pieve në Itali, rajoni i Umbrias.
Oficerët e vunë re të riun në parkingun e Lidl në Pò Bandino, duke drejtuar një makinë tip “Opel Corsa”. Ai u ndalua dhe iu nënshtrua një kontrolli personal dhe të automjetit.
Në xhepat e tij dhe pjesën që shërben si mbajëse (tavëll) e makinës, karabinierët gjetën afërsisht 35 gramë kokainë dhe 570 euro në para të gatshme, që besohet të jenë të ardhurat nga trafikimi i drogës.
Pasi pranoi fajësinë, shqiptari mësohet se u gjykua me procedurë të shkurtuar dhe u deklarua fajtor, duke u dënuar me një vit burgim.
