Oficerët e karabinierisë së Riminit në Itali, arrestuan një 42-vjeçar shqiptar gjatë operacionit antidrogë, që ishte i papunë por jetonte në një hotel, ndërsa dyshohej si pjesë e një rrjeti të trafikut të kokainës.
Në orët e para të pasdites së djeshme, i riu u pa duke drejtuar makinën në ‘Via Flaminia’. Ndalesa e tij e vazhdueshme ngjalli dyshime tek policia, e cila vendosi ta monitoronte nga distanca.
Pak më vonë, ai u ndalua nga një automjet tjetër, të cilit po i shiste një pako të vogël. Blerësi, një 65-vjeçar nga provinca e Forlì-Cesena, u kontrollua dhe iu gjet në posedim një dozë kokaine të blerë së fundmi.
Në këtë moment oficerët ndërhynë dhe gjatë kontrollit të mjetit të shqiptarit gjetën 21 doza kokaine, gati për shitje me pakicë, të fshehura në tapicerinë e dy sediljeve të përparme.
Kontrollet e mëvonshme, të kryera në shtëpinë e të arrestuarit, zbuluan 1,870 euro në para të gatshme. Droga dhe paratë u sekuestruan, të cilat konsiderohen të jenë të ardhura të mundshme nga aktiviteti i paligjshëm.
Pas hetimeve, me urdhër të Prokurorisë Publike të Riminit, i riu u mbajt në qelitë e paraburgimit të Stacionit të Karabinierëve, në pritje të ekzekutimit të gjyqit të shkurtuar, teksa ka pranuar autorësinë.
