Nuk është emër i panjohur në Kosovë.
Është futbollisti serb Ilija Iviq, që tani për tani ka në profilin e tij të facebookut, foton e klubit të futbollit Flamurtari të Prishtinës dhe po ashtu vet si lojtar me fanellë kuq e zi.
Për këtë lojtar u bë shumë zhurmë nga mediat në Serbi se si ai po luan për Flamurtarin dhe Kombëtaren e Kosovës U-19.
Edhe pse nuk është pjesë e Flamurtarit, ende e ka në profil këtë klub, sigurisht e ka për zemër dhe ka kaluar periudhën më të mirë.
“Nga viti i kaluar ka shtegtuar në A&N të Prizrenit. Nuk dijmë më asgjë për të”, thonë brenda klubit të Flamurtarit për gazetën kombëtare "Bota sot".
Është interesant të theksohet, se në fillim të vitit 2020, Federata e Futbollit të Kosovës kishte dalë me një njoftim se Komuna e Graçanicës i ka larguar nga puna të dy prindërit e Iviqit, për shkak se ai kishte pranuar t’i mbrojë ngjyrat e flamurit të Kosovës në futboll.
