“Veterani” Thomas Muller aktualisht është duke luajtur sezonin e tij të 17-të në Bundesligë dhe ka fituar tituj të shumtë me klubin gjatë kësaj kohe. Nëse ai do të luajë ende për rekordmenët gjermanë pas verës së vitit 2025, mbetet një pyetje e hapur edhe për Mylerin.
“Duket sikur kam ende një kontratë deri në verën e ardhshme dhe po përpiqem të marr gjithçka prej saj këtë vit,” shpjegoi “plakushi” bavarez në një intervistë me Ligën Gjermane të Futbollit (DFL). Ai nuk duket se ka menduar konkretisht për kohën më vonë: “Unë as nuk e di se çfarë do të vijë më pas, as çfarë dua unë, as çfarë dëshiron klubi, as çfarë duam ne të gjithë”.
Myler nuk e sheh si barrë situatën e pasigurt të kontratës. Përkundrazi, ai i qaset me qetësi: “Nuk dua të fokusohem fare në këtë. Zakonisht është gjithmonë pjesë e biznesit dhe e mendjes së lojtarëve të pyesin se çfarë do të ndodhë më pas. Kjo është një situatë e veçantë kur je në vjeshtën e karrierës”.
Gjatë evoluimit të tij mbresëlënëse, sulmuesi nuk luajti kurrë për një klub tjetër. Ai ka djersitur fanellën e Bajernit për 713 ndeshje, 477 prej të cilave janë në Bundesligë. Kampioni i botës 2014 vlerësohet një ikonë e klubit në Mynih dhe ka fituar, ndër të tjera, dymbëdhjetë kampionate gjermane, gjashtë Kupës dhe dy tituj të Ligës së Kampionëve. Vitet e fundit, kontrata e Mylerit është zgjatur gjithmonë me një sezon.
