Baseli ka pësuar humbjen e dytë me radhë në elitën e futbollit zviceran.
Pas humbjes së javës së kaluar me 2:0 nga Zurich, sot pësuan me rezultat 1:0 në duel me Luzernin.
Humbje që e bën me dhimbje koke drejtuesit e Baselit për fakti se ngecin në luftë për kreun e tabelës. Luzerni ka triumfuar me golin e futbollistit Jaquez në minutën e 78-të pas asistimit të Donat Rrudhanit.
Xherdan Shaqirit nuk po i shkon me Baselin. Shaqiri ka luajtur nga minuta e parë dhe u zëvendësua në minutën e 56-të.
Edhe Albian Ajeti është zëvendësuar por në minutën e 70-të. Leon Avdullahu luajti tërë takimin për Baselin dhe është ndëshkuar me karton të verdhë në minutën e 56-të.
Donat Rrudhani u paraqit titullar për Luzernin.
Pas javës së tetë në elitën e futbollit zviceran, tri skuadra janë me pikë të barabarta në kreun e tabelës, me nga 17-të: Zurich, Luzerni e Lugano, ndërsa Baseli është në vend të shtatë me 10 sosh.
