Ditën e sotme do të ngrejë siparin java e 14-të e “Abissnet Superiore”.
Sfida mjaft interesante do të luhen në Korçë dhe Shkodër, me duele që premtojnë shumë në fushën e lojës.
Skënderbeu do të presë në shtëpi Dinamon, për të luajtur një sfidë mjaft të zellshme.
Një duel delikat për Ilir Dajën dhe “Blutë” duke ditur që korçarët në shtëpi janë një kockë e fortë.
Në krahun tjetër Teuta ka një detyrë të vështirë në transfertë, ku do të përballet me Vllazninë.
Në stadiumin “Loro Boriçi” të Shkodrës, vendasit do të kërkojnë 3 pikët për të qenë mes kryesuesve.
Kujtojmë që këto dy sfida do të luhen paralelisht, duke nisur nga ora 17:00.
