Florian Wirtz mbetet një nga pikat më “të nxehta” të bisedimeve në tregun europian të transferimeve.
I riu nga Bajer Leverkusen prej kohësh ka ngjallur interesin e shumë klubeve të mëdha, përfshirë edhe Bajernin.
Por ndërkohë që klubet kryesore po konkurrojnë për 21-vjeçarin. Leverkusen po punon intensivisht për të vendosur rrugën për të ardhmen e yllit të saj.
“Aspirinat” kanë nisur tashmë diskutimet me Virc dhe prindërit e tij, të cilët po veprojnë si këshilltarë. Sipas “Sport Bild”, klubi dëshiron të vazhdojë kontratën e 21-vjeçarit, e cila aktualisht është deri në vitin 2027, për një vit tjetër deri në 2028. Në këmbim, ai do të marrë një pagë rekord që do ta bënte atë lojtarin më të paguar në historinë e klubit.
Në të njëjtën kohë, klube si Bajern Mynih dhe Mançester Siti po bëjnë presion për një ndryshim dhe thuhet se kanë theksuar qartë ambiciet e tyre në negociatat me familjen e Florianit. Në bazë të raportimeve te skuadra bavareze ka vite që po përpiqet shumë për të blerë mesfushorin kreativ. Nëse nuk ka marrëveshje për një zgjatje deri në fund të sezonit, shitja në verë mbetet opsion.
