Ka përfunduar ndeshja mes Laçit dhe Skënderbeut e vlefshme për javën e 15-të të Superiores.
Sfida e zhvilluar në Kurbin, përfundoi me rezultatin 1-0 në favor të vendasve.
Golin e vetëm të kësaj sfide e shënoi sulmuesi nga Bregu i Fildishtë, Koffi.
Ky i fundit gjeti rrugën e rrjetës që në minutën e 27-të, teksa pavarësisht rasteve të tjera nuk u shënua asnjë gol tjetër.
Me këtë fitore, Laçi ngjitet në vendin e 8-të, duke shkuar në kuotën e 15 pikëve.
Ndërsa skuadra e Skënderbeut me 13 pikë, zbret në vendin e 9-të në klasifikim.
