Ivan Gvozdenoviq nuk është më trajner i Skënderbeut. Timonieri serb ka dhënë dorëheqjen e cila është pranuar nga Ardian Takaj dhe palët kanë vendosur kështu të ndajnë rrugët.
Tashmë gjithçka është zyrtare dhe klubui ka konfirmuar largimin e trajnerit. Drejtuesit e falenderojnë Gvozdenovic për kontributin e dhënë dhe i urojnë suksese në vazhdim.
“Faleminderit Ivan Gvozdenoviq! Ivan Gvozdenoviq ka mbyllur bashkëpunimin me ekipin e Skënderbeut.
Trajneri është përshendetur me stafin dhe lojtarët. Skënderbeu e falenderon trajnerin për kontributin e dhënë gjatë kësaj periudhe bashkepunimi”, shkruan kkubi korçar.
Kujtojmë se 46-vjeçari largohet nga korçarët pas 2 vitesh. Saktësisht mori drejtimin e Skënderbeut më 26 nëntor të vitit 2022, periudhë kur luanin në Kategorinë e Parë.
Aktualisht ndodhen në vendin e 9-të në tabelën e klasifikimit në Superiore me vetëm 13 pikë pas 15 javëve të zhvilluara.
