Për herë të parë në historinë e klubit, Botafogo fiton Kupën Libertadores, duke mposhtur në finalen e madhe Atletico Mineiro me rezultatin 3-1 falë golave të Luiz Henrique, Alex Telles dhe Junior Santos.
Në ndeshjen finale u përballën dy skuadra braziliane, Botafogo dhe Atlético Mineiro. Finalja u zhvillua në zemër të territorit të rivalëve të tyre të ashpër, në “Estadio Monumental” në Buenos Aires, Argjentinë.
Që në minutën e dytë të ndeshjes, Botafogo mbeti me dhjetë lojtarë pasi Gregore mori një karton të kuq. Megjithatë, kjo nuk e pengoi Botafogon, që në mënyrë të jashtëzakonshme arriti të shënonte dy gola para përfundimit të pjesës së parë, me Luis Henrique dhe Alex Telles.
Në fillim të pjesës së dytë, Atlético Mineiro shkurtoi rezultatin në 2-1 në minutën e 47-të me Eduardo Vargas. Kulmi i ndeshjes mbërriti në kohën shtesë kur Juninho Santos vulosi fitoren me rezultatin përfundimtar 3-1 në favor të Botafogos.
