Rafa Benitez ka shpresë të madhe tek ekipet italiane, sidomos tek Interi. Në një intervistë të fundit për “La Gazzetta dello Sport”, trajneri i njohur është shprehur se zikaltrit mund të ecin shumë në Champions League.
“Interi është skuadër solide. Kësaj here m’u dukën fare pak poshtë nivelit të Bayer Leverkusenit, por golin e pësuan kur mendohej se ndeshja po mbyllej 0-0”.
“Lojtarët e trajnerit Inzaghi janë tepër të fortë dhe as që e imagjinojnë të jenë jashtë Champions League. Nuk do të jetë e lehtë, por i shoh shumë të rrezikshëm në Europë”.
“Milani? Pas një nisjeje të dobët, tashmë ka fituar katër ndeshje radhazi. Duhet ende kohë për trajnerin Fonseca. Shohim nëse skuadra do të rritet”.
“Vlahovic? Ai është një nga lojtarët më të mirë të këtij sezoni, sepse e ka ndihmuar Juventusin të ndryshojë në ndeshjen me City. Nëse nuk do të fitonte, Juventusi do të ishte në një siklet të madh”.
“Në këtë listë do të shtoja edhe lojtarë si Leao dhe Ferran Torres, pa harruar Mbappe dhe Bellingham me golat që kanë shënuar këtë javë në Champions League”.
