Trent Alexander-Arnold për shumë gazetarë dhe ekspertë të futbollit është mbrojtësi i djathtë më i mirë në botë. Anglezi shkëlqen sidomos në aspektin ofensiv, ndërsa në mbrojtje ka disa mangësi të vogla.
Real Madrid ka një pikë të dobët, krahu i djathtë i mbrojtjes, dhe po tenton ta korrigjojë pikërisht duke transferuar yllin e Liverpool.
Dani Carvajal, sidomos pas dëmtimit afatgjatë, vështirë se do të rikthehet më si lojtar protagonist në “Santiago Bernabeu”. Presidentit Perez i duhet të ndërhyjë dhe objektivi i tij është Alexander-Arnold.
Relevo raporton se Liverpool po i luan të gjitha kartat për të rinovuar me lojtarin, por deri-tani nuk ka ndodhur. Kontrata aktuale e mbrojtësit skadon në qershor 2025.
Kjo do të thotë se Real Madrid mund të bëjë një goditje spektakolare, duke e afruar me parametra zero. Në Madrid janë optimistë. Ata janë 90% të sigurt se Alexander-Arnold do të thotë “po” së shpejti.
