Në Zvicër u hodh shorti për eleminatoret e Kupës së Botës 2026, që do të zhvillohet në SHBA, Kanada e Meksikë.
Vëmendja kryesore e e tifozerisë shqiptare ishte padyshim njohja e rivalëve të përfaqësueses kuqezi. Shqipëria do të përballet me Serbinë, Anglinë, Letoninë dhe Andorën.
Menjëherë pas shortit, Ismail (Ballist) Morina, ka bërë një postim në rrjetet sociale, ku shkruan se ndaj serbëve ia ka arritur qëllimit dhe nuk ka punë më me këtë kundërshtarë.
"Me 14 tetor 2014 ishte hera e parë dhe si herë e parë duhej domosdoshmërish të mbahej mend nga pala armiqësore.
Ata tashmë janë të zhvirgjëruar.
Unë vetë nuk jam i interesuar më për ta… i shumëzoj me 0”, shkruan ai.
Ndeshjet kualifikuese pritet të nisin në muajin mars.
