Pas fitores në Champions League ndaj skuadrës së Guardiolës, bardhezinjtë rikthehen në kampionat
Pas suksesit kundër Manchester Cityt në Champions League, Juve rikthehet përsëri në kampionat, për tu përballur me Venezia-n e Di Francesco. Për trajnerin e bardhezinjve, Thiago Motta-n, fitorja është një detyrim për të mbyllur diferencën ndaj rivalëve të kampionatit.
Si është skuadra pas fitores ndaj Manchester Cityt?
"Ata janë të gjithë mirë fizikisht dhe mendërisht. Padyshim që fitorja ndihmon, por grupi është i fokusuar te sfida tjetër, si gjithmonë".
"Qasja jonë është gjithmonë e njëjtë. Ne kemi gjithmonë të njëjtin respekt për kundërshtarët tanë dhe me idenë për të hyrë në fushë dhe për të dhënë më të mirën tonë me përulësi dhe seriozitet. Ne duhet të luajmë një ndeshje të madhe. Lojtarët e dinë se çfarë duhet, ta nisim ndeshjen me intensitet maksimal për të sjellë rezultatin në anën tonë”.
"Venezia është një ekip që gjithmonë përpiqet të luajë mirë. Ata kanë vënë shumë ekipe në vështirësi me lojën e tyre. Luajnë mirë dhe kanë një trajner me shumë përvojë. Duhet të jemi të vendosur për të luajtur lojën tonë".
