Trajneri i Skënderbeut, Ernest Gjoka ka folur pas mbylljes së sfidës në Korçë mes Skënderbeut dhe Bylisit.
Takimi në stadiumin ‘Skënderbeu’ u mbyll në një 2-2, por që u duk që të dy skuadrat kërkuan dhe në fund të fundit dëshironin më shumë se 1 pikë sot. Ai thekson se problem është mosvulosja e takimit kur korçarër janë në avantazh.
“Më vjen keq, sepse skuadra prodhoi shumë. Mund t’a kishim mbyllur ndeshjen.
Problematika është kjo, që nuk e mbyllim ndeshjen pasi jemi në avantazh.
Kur janë situatat për të bërë gol, duhet mbyllur sfida. Kur kemi portën bosh, duhet të përmirësohemi para portës.
Prodhuam lojë, por në fund ditës harrohet loja, duhen pikët. Më vjen keq për futbollistët.
S’ka asnjë problem për Prençin, po i mungojnë orët e punës. Shpresoj të jetë gati për sfidën e fundjavës tjetër.”, u shpreh Gjoka.
