Në një ndeshje derbi çdo gjë mund të ndodhë, veçanërisht nëse flasim për Premier League dhe Manchester City-Manchester United.
Gjithçka ndodhi në minutat e fundit duke rezultuar në një rikthim të pabesueshëm dhe një fitore drithëruese për “Djajtë e Kuq”, të cilët dërguan në ferr rivalët e tyre, 2-1.
Ruben Amorim, trajneri i United, komentoi rezultatin përfundimtar në BBC Match of the Day: "Ishte e pabesueshme. Mendoj se e merituam. Ishte një ndeshje shumë e vështirë, por ne besuam deri në fund. Arritëm të shënonim, na duhej kjo fitore, ishte e rëndësishme për ne dhe për tifozët tanë”.
“Ne ishim në lojë për 90 minuta dhe kjo është shumë pozitive. Le të flasim për ndeshjen kundër Arsenalit, luajtëm mirë në pjesën e parë, por nuk besuam se mund të fitonim. Sot ishte shumë ndryshe. Pastaj ishte koha e Fergie (Bruno Fernandes) dhe ne i bashkuam gjërat dhe ndodhi diçka magjike. Ishte një ditë e mirë për ne”.
"Tifozët kishin nevojë për këtë fitore. Ashtu si ne, por ju mund ta shihni nga mënyra se si ata festojnë se është diçka e veçantë.
Por ne duhet të vazhdojmë. Klubi ynë duhet të fitojë këto ndeshje, unë e kuptoj lumturinë e tifozëve tanë, por ne duhet të ecim përpara. Ne duhet të përmirësojmë shumë gjëra, por sot djemtë e merituan fitoren deri në minutën e fundit dhe kjo është e rëndësishme”.
