Trent Alexander-Arnold ende nuk ka dhënë një përgjigje për kontratën e radhës me Liverpool.
Mbrojtësi i djathtë nuk ka marrë vendim, sepse po tundohet nga ofertat e ndryshme.
Sipas gazetës katalanase “Sport”, gjasat që ai të kalojë te Real Madrid po zbehen pak, sepse Liverpool i ka paraqitur një propozim të ri.
Drejtuesit e kuq kanë bërë një ofertë marramendëse, duke premtuar pagë 20 milionë euro në vit.
Ky është një përmirësim i madh krahasuar me pagën e tij aktuale.
Anglezi nuk ka thënë as “po”, as “jo”. Ai e di se Real Madrid po përgatit një ofertë të bujshme dhe po pret. Kjo situatë po e acaron trajnerin Arne Slot, por nuk mund të reagojë ndryshe, sepse kontrata e mbrojtësit skadon në verë 2025.
