Kombëtarja e Shqipërisë gjatë muajit mars do t’i zhvillojë dy ndeshje në fazën parakualifikuese për Kupën e Botës 2026.
Trajneri Sylvinho do ta ketë problem fazën e sulmit, pasi lojtarët në këtë repart nuk janë asapak në formë.
Duke nisur nga Mirlind Daku, i cili ka pothuajse tre muaj që nuk ka luajtur ndeshje zyrtare me Rubin Kazanin, për shkak të pushimit dimëror.
Që nga muaji dhjetor nuk ka luajtur as Myrto Uzuni, i cili tashmë ka përfunduar në Amerikë, te FC Austin.
Armando Broja, sulmuesi më i mirë që ka pasur Shqipëria në kohët e fundit, është i lënduar… por që pritet të rikthehet gjatë marsit.
Indrit Tuci, sulmuesi i Sparta Pragës është i lënduar nga muaji janar.
Duke parë këtë situatë, vetëm Sylvinho mund ta di se çfarë do të bëjë në ndeshjet e muajit mars.
Kujtojmë se Shqipëria e nis aventurën e parakualifikimeve, duke luajtur ndaj Kombëtares së Anglisë më datën 21 mars, kurse ndeshjen e parë të këtij viti në “Air Albania” e zhvillon, më 24 mars ndaj Andorrës.
