Bajerni raportohet se është afër finalizimit të transferimit të parë të verës. Sipas raportimeve, vetëm disa detaje të vogla e ndajnë Bajernin nga nënshkrimi i Ismael Saibarit.
“Bajerni shpreson ta finalizojë marrëveshjen me Saibarin javën e ardhshme,” tha Fabricio Romano. Negociatat me klubin aktual të Saibarit, PSV Eindhoven, janë “shumë të avancuara”. Në Mynih janë “optimistë” për përfundimin e transferimit.
Bajerni thuhet se tashmë ka arritur marrëveshje me mesfushorin për transferimin.
Vetë Romano e ka bërë të ditur marrëveshjen më herët gjatë javës. 25 vjeçari është aktualisht nën kontratë me klubin e Eredivise deri në vitin 2029, por pritet të firmos një kontratë me Bajernin deri në vitin 2030. Besohet se kontrata e tij e re mund të zgjasë deri në vitin 2031.
