Të enjten mbrëma në Pallatin e Rinisë në Prishtinë do të luajnë disa prej hendbollisteve më të mira në botë.
Kombëtarja e Kosovës nga ora 20:15 përballet me Francën, superfuqinë e padiskutueshme të hendbollit botëror.
Lista e sukseseve të Francës është shumë e gjatë.
Në Botërorin e mbajtur muaj më parë, Franca ishte e treta.
Ndërkohë është kampione botërore në vitin 2023, 2017 e 2003.
Francezet i kanë edhe katër medalje të argjendta botërore dhe një të bronztë.
Në Lojërat Olimpike, ngjarjen kryesore sportive, Franca ka fituar medalje në tri edicionet e fundit. Në Rio 2016 fitoi të argjendtën, në Tokio 2020 të artën dhe në Paris 2024 sërish të argjendtën.
Në Evropian, Franca titullin e parë e fitoi në vitin 2018. Ishte e dyta në Evropianin 2020, ndërsa në vitet 2022 dhe 2024 arriti në gjysmëfinale.
Në kualifikimet aktuale, të vlefshme për Euro 2026, Franca i ka fituar bindshëm katër ndeshjet e para. Tashmë është kualifikuar.
Francezet janë favorite absolute në ndeshjen me Kombëtaren tonë. Megjithatë vajzat tona janë të përkushtuara për të dhënë më të mirën për paraqitje sa më të denjë.
