Kryetari i Komunës së Shtimes ka ndarë në Facebook lajmin për donacionin e dytë të rëndësishëm brenda javës për Qendrën Kryesore të Mjekësisë Familjare (QKMF) “Dr. Vezir Bajrami”.
Organizata italiane “Onlus Protezione Civile di Torchiarolo” ka dhuruar: 6 karrige posturale për fëmijë, 7 mbajtëse dinamike për fëmijë, 2 karrige me rrota për të rritur, 3 kuti me aksesorë posturale, dhe 36 palë këpucë.
Ky donacion pason një tjetër të dhuruar më parë nga Caritas Kosova, duke përfshirë një pajisje ultrazëri, dhe përfaqëson një mbështetje të rëndësishme për rritjen e cilësisë së shërbimeve shëndetësore për pacientët, veçanërisht për fëmijët dhe të rriturit me nevoja specifike.
Në postimin e tij, kryetari falënderoi organizatën italiane dhe të gjithë partnerët e donatorët, duke theksuar rëndësinë e bashkëpunimeve të tilla për përmirësimin e sistemit shëndetësor. Ai premtoi vazhdimin e angazhimeve për bashkëpunime të reja në të mirë të qytetarëve dhe institucioneve lokale.
