Një rast i armëmbajtjes pa leje është raportuar mbrëmë në orën 22:34 në rrugën “Kollashini” në veri të Mitrovicës, shkruan “Mitropol”.
Gjatë kontrollit të një veture nga Policia e Kosovës, në pronësi të një të dyshuari mashkull kosovar, janë gjetur dhe konfiskuar disa gjëra të ndaluara.
Sipas raprotit policor, në veturë janë sekuestruar tre fishekë të kalibrit 7.62 mm, një thikë dhe një grinder. Pas gjetjes së këtyre sendeve, autoritetet kanë njoftuar prokurorin e shtetit, dhe hetimet kanë nisur për të zbuluar detajet e rastit.
Policia e Kosovës thekson se armëmbajtja pa leje përbën shkelje serioze të ligjeve në fuqi dhe është duke ndërmarrë masa të vazhdueshme për të parandaluar veprime të tilla.
Rasti mbetet nën hetime, ndërsa autoritetet kanë ftuar qytetarët që të bashkëpunojnë dhe të raportojnë çdo rast të dyshimtë për të garantuar sigurinë publike.
