Dy persona kanë mbetur të lënduar në një aksident komunikacioni pasditen e sotme në rrugën magjistrale Ferizaj-Prishtinë, në fshatin Prelez.
Zëdhënësi i policisë për rajonin e Ferizajt, Kanun Veseli, i cili tha se të lënduarit janë dërguar për ndihmë mjekësore.
“Me datën 14.12.2024 rreth orës 14:50 kemi pranuar informatën se në rrugën magjistrale Ferizaj – Prishtinë, saktësisht në fshatin Prelez të Ferizajt është një aksident komunikacioni rrugor, ku janë përfshirë dy vetura me targa vendore dhe shoferë vendor. Veç dëmeve të shkaktuara materiale në vetura, lëndime trupore kanë pësuar dy shoferët, të cilët për ndihmë mjekësore janë dërguar në Qendrën Emergjente në Ferizaj, tha Veseli.
Njësia e Hetimeve të Aksidenteve ka dalë në vendin e ngjarjes për hetimin e aksidentit.
