Në çdo kohë e në çdo vend,
Idiotin e mbajmë në mend.
Dikur të thjeshtë me pak fat,
Tani me kostum dhe kravatë.
Hip në foltore e tund gishtin,
E fjala boshe ia nxjerr bishtin.
Sytë i zgurdullon flet me ton,
Përdredh gjuhën si kameleon.
E dëgjon të thotë me plot gojë,
Atë që veç idioti di të mendoj:
-Drejtësi, reforma dhe integrim,
Në një shoqëri ku s’ka shpjegim.
E keqja është se e marrin serioz,
Premtimin e thatë si loja n’bixhoz.
Aty ku dyshojnë njerëzit e urtë,
Idiotët janë, gjithmonë, të sigurt.
Ndaj, shumimi i tyre pak nga pak,
Të bashkuar nuk janë qesharakë.
E, shoqëria jonë zhytet n’skandal,
Kur na bëhen idiotët funksionalë!
Sevdail Hyseni
(Karikatura marrë nga interneti)
