Ja pse është e rëndësishme të hiqni gjethet e rëna mbi makinën tuaj
Ne shpesh presim që gjethet e thara të bien nga makina gjatë drejtimit të saj, por kjo sigurisht nuk është një ide e mirë.
Nuk mjafton vetëm të prisni që era t’i largojë gjethet nga makina juaj derisa jeni duke e drejtuar. Gjethet shpesh futen në qoshet nën xhamin e përparmë dhe qëndrojnë aty për një kohë.
Më pas gjethet dekompozohen gradualisht, gjë që mund të shkaktojë kalbje në kullues. Kur kanali i kullimit bllokohet, fillojnë problemet, duke çuar në kosto të reja që përndryshe mund t’i kishit parandaluar.
Gjethet e grumbulluara nën xhamin e përparmë mund të shkaktojnë depërtimin e ujit në karroceri, në varësi të konstruksionit të automjetit, gjë që mund të ndikojë në funksionimin e ventilimit, të përshpejtojë ndryshkjen dhe të shkaktojë mjegullimin e xhamave.
Në rastin më të keq, ventilatori i ventilimit mund të digjet dhe bakteret shumohen në kabinë, gjë që rrezikon më tej komoditetin dhe shëndetin e shoferit.
Nëse vëreni gjethe mbi kapakun e veturës tuaj, atëherë largoni ato menjëherë, para se të shkaktojnë një defekt serioz.
