Mediat fqinje të Maqedonisë së Veriut kanë publikuar video nga momentet pak para tragjedisë së Koçanit, ku një zjarr vdekjeprurës që shpërtheu në një lokal nate në orët e para të mëngjesit i mori jetën 59 të rinjve ndërkohë që rreth 150 rezultojnë të lënduar.
Në mesin e viktimave janë edhe anëtarët e grupit muzikor DNK.
Filip Stefanovski, Gjorgi Gjorgiev, Sara Projkovska dhe Andrej Gjorgievski 4 anëtarët e grupit muzikor DNK si dhe fotografi i grupit Aleksandar Efremov janë në mesin e personave që vdiqën bë tragjedinë e mbrëmshme në diskotekën PULS në Koçan.
Kjo është video e tyre e fundit, pak para tragjedisë.
Ministri i Brendshëm, Pance Toshkovski, deklaroi se zjarri filloi kur u aktivizuan fishekzjarrët rreth orës 2:30 të mëngjesit dhe flakët shpërthyen në të gjithë lokalin.
