Nga 27 nëntori, në Netflix shfaqet komedia romantike e Krishtlindjeve “Our Little Secret” me Lindsay Lohan dhe Ian Harding.
Filmi u drejtua nga Stephen Herek, i cili njihet për komedinë “Bill & Ted’s Excellent Adventure”, ndërsa skenari u shkrua nga Hailey DeDominicis.
Filmi ka vetëm dy ditë që shfaqet në Netflix dhe tashmë është bërë më i ndjekuri. Komploti ndjek ish-çiftin Avery, të luajtur nga Lindsay Lohan dhe Logan, të luajtur nga Ian Harding. Nëpërmjet një kthese rrethanash, ata detyrohen të kalojnë Krishtlindjet së bashku pasi zbulojnë se partnerët e tyre aktual Cameron dhe Cassie janë vëlla dhe motër.
Në film luajnë Kristin Chenoweth, Jake Brennan, Dan Bucatinsky, Tim Meadows, Judy Reyes, Ash Santos, Henry Czerny, Bobbie Eakes, Chris Parnell dhe Brian Unger.
Sipas vlerësimeve aktuale të shikuesve, filmi është argëtues për shumicën, ndërsa skenari dhe aktrimi nuk fituan shumë. Shikuesit e vlerësuan filmin në Rotten Tomatoes me 76 për qind dhe kritikët me 47 për qind.
Disa shikues komentuan se komploti i filmit është mjaft origjinal dhe se filmi ka një prekje humori gjatë gjithë historisë, ndërsa fundi solli kthesa interesante. Mirëpo, filmi nuk ka lënë përshtypje të mirë tek disa shikues dhe atyre nuk u ka pëlqyer mënyra se si ka vepruar Lindsay Lohan.
