P Diddy mori edhe tre akuza të tjera për ngacmim seksual, me njërën prej viktimave që pretendonte se reperi e përdhunoi dhe se incidenti u kap në kamera nga një tjetër personazh i famshëm.
Bëhet fjalë për një padi që u publikua sot dhe përfshin edhe dy padi të tjera, ku viktimat pretendojnë se janë droguar dhe dhunuar. Sipas viktimës, Diddy e përdhunoi atë para një kamere të mbajtur nga një tjetër personazh i famshëm, pas së cilës ata u përpoqën t’i paguanin 2500 dollarë.
Këto pretendime abuzimi besohet të kenë ndodhur brenda pesë viteve të fundit. Ata pretendojnë se P Diddy dhe ekipi i tij organizuan festa ku droguan dhe sulmuan seksualisht viktimat. Në padi thuhet gjithashtu se viktimat kishin frikë të flisnin për abuzimin seksual për shkak të frikës dhe poshtërimit.
Dy persona pretendojnë se incidentet ndodhën brenda dhomave të hotelit të marra me qira nga P Diddy. Një nga hotelet është Park Hyatt, ku policia arrestoi P Diddy në shtator të këtij viti. Një person i tretë pretendon se ajo u përdhunua në shtëpinë e reperit në Hamptons.
Rastësisht, akuzat e reja vijnë vetëm disa ditë pasi P Diddy u emërua në një padi kundër kolegut të tij Jay-Z, duke pretenduar se ata përdhunuan një vajzë 13-vjeçare së bashku.
Kujtojmë se P Diddy u arrestua më 17 shtator në Nju Jork, dhe aktualisht ndodhet në paraburgim, ku do të qëndrojë deri në fillimin e gjyqit, i cili është caktuar për 5 maj 2025.
