Motorola po përgatitet për prezantimin zyrtar të telefonit të saj të fundit të përkulshëm – Razr 50D.
Motorola Razr 50D do të jetë i disponueshëm në Japoni nga 19 dhjetori, dhe siç është paralajmëruar nga operatori japonez celular NTT DOCOMO, do të jetë i ngjashëm me modelin Motorola Razr 50.
Ky telefon vjen me një ekran të brendshëm 6.9 inç FHD+ pOLED i cili është i pajisur me Corning Gorilla Glass Victus. Ekrani i jashtëm mat 3.6 inç dhe ka një bateri 4000 mAh që është një nuancë më e vogël se ajo e Razr 50 (4200 mAh).
Kamera kryesore prej 50 MP do të kënaqë entuziastët e fotografisë, ndërsa e dyta ka një rezolucion prej 13 MP. Kamera e përparme ka 32 MP.
Telefoni vjen me 8 GB RAM dhe 256 GB memorie të brendshme, me mbështetje për karikim me valë, rezistencë IPX8, audio Hi-Res, altoparlantë stereo dhe Dolby Atmos për multimedia.
Për sa i përket dizajnit, Motorola Razr 50D ka përmasa 171 mm x 74 mm x 7.3 mm dhe peshon vetëm 187 gram, gjë që është mjaft e dobishme për një telefon të përkulshëm. Çmimi i tij do të jetë rreth 750 euro.
