Ka vetëm një javë që projekti më i ri muzikor i artistit të njohur Argjend Lloga është publikuar dhe ka marrë rrugën e një super hiti.
Kjo shihet edhe në bazë të klikimeve në kanalin YouTube, pasi kënga me titull "Thashetheme" ka të vërtetën e një garancie hiti.
Kjo këngë është në bashkëpunim me Blertën dhe Genti Lakon, dhe së bashku me Argjendin, duket se treshja ia ka dalë, pasi kënga ka mjaft ritëm dhe po dëgjohet kudo.
Edhe këtë herë, bashkëpunëtorët e artistit shqiptar që jeton në Amerikë janë nga më profesionistët, dhe për këtë arsye suksesi është i garantuar.
Edhe vetë Argjendi është i lumtur që ky bashkëpunim po ecën mjaft mirë, ndërsa shihet se ka pasur një impakt të mirë edhe nga miqtë dhe kolegët e artistit, duke e pëlqyer dhe shpërndarë atë.
