Ministri i Mbrojtjes Ejup Maqedonci, ka thënë se për sa kohë kryeterroristi Millan Radoiçiq mbetet i lirë, nuk përjashtohen edhe sulme të reja ndaj vendit.
Por, Maqedonci siguron se Forca e Sigurisë, mbron territorin dhe qytetarët e Kosovës.
‘’Përderisa Radoiçiq dhe grupi i tij vazhdon të jetë i lirë. Përderisa nuk ka një llogaridhënie nga Serbia, ne konsiderojmë që mund të ketë [sërish sulme të tilla]. Ne përgatitemi që të ballafaqohemi me çdo rrezik. Jemi të gatshëm që ta mbrojmë territorin dhe qytetarët e Republikës së Kosovës’’, deklaroi ai.
Kutjojmë që Milan Radoiçiq, është përgjegjësi kryesor për sulmin terrorist të 24 shtatorit 2023, në Banjskë të Zveçanit.
E në lidhje me këtë temë në një prononcim për “Bota sot”, ka folur eksperti i sigurisë, Fatjon Softa.
Ai thotë se deklarata e Maqedoncit ka shumë arsyje të fuqishme pasi Radoiçiq mbetët rrezik për trazira të reja.
“Deklarata e Ministrit të Mbrojtjes së Kosovës Z.Ejup Maqedonci, që sa kohë që kryeterroristi Millan Radoiçiq mbetet i lirë, nuk përjashtohen edhe sulme të reja ndaj vendit.
Radoiçiq është krijesë dhe financim i shtetit serb dhe në funksion të tij dhe rreziku i shfaqjes dhe përballjes strukturave paramilitare me të për trazira është permanent”, u shpreh ai.
Më tej, eksperti i sigurisë përmend arsyet e shqetësimit të Maqedoncit.
“Shqetësimi i Maqedoncit mund të ketë disa arsye,
1. Informacione nga shërbimet e brendshme ose partnere
2. Tërheqje vëmendje ndaj Kosovës nga faktori ndërkombëtar.
3. Zgjedhjet e afërta politike për të rritur mbështetjen e elektoratit ndaj forcës politike. Klima nuk favorizon nxitje konfliktesh deri në marrjen e drejtimit të Shtëpisë së Bardhë nga Trump”, përfundoi eksperti i sigurisë, Fatjon Softa për “Bota sot”.
