Ambasadori i Shteteve të Bashkuara në Kosovë, Jeffrey Hovenier, ka thënë se në Kosovë ka “aktorë të huaj keqdashës aktivë që duan të minojnë demokracinë e Kosovës duke i shfrytëzuar përçarjet etnike”.
“Nuk mund të lejojmë që kjo të ndodhë”, ka thënë Hovenier të martën në Prishtinë.
Analisti Driton Tali në një prononcim për “Bota sot”, thotë se përmes kësaj deklarate ambasadori amerikan aludoi në Serbinë dhe Rusinë.
“Po atë që po e them në vazhdimësi unë dhe shumë të tjerë, e pohoi edhe Ekselenca e Tij, ambasadori Hovenier. Ndonëse Ekselenca e Tij e tha në mënyrë diplomatike por është e qartë se në kë aludoi në mes rresthave. Pra, aludoi në Rusinë dhe Serbinë.
Putini, sidomos tashti pas dorëzimit në Siri, dhe intensifikimit të luftës në Ukrainë i duhet urgjentisht "një fitore" diku si në Gaza, më 7 tetor që ta ketë si një xhoker në ballafaqimet që e presin pas 20 janarit me Presidentin e ri, Trump.
Kësaj t'ia shtojmë edhe faktin se Kosova tashmë është futur në "ethet" e zgjedhjeve, andaj edhe aktivitet e Rusisë nëpërmes Serbisë do të intensifikohen”, thotë ai.
Në fund, thotë se Vuçiqi duhet të bëjë siç i thotë Putini sepse ndyrshe do ta pret fati i Prigozhinit dhe aktorëve tjerë rusë, duke paralajmëruar se do të ketë një dimër të ashpër për Ballkanin Perëndimor.
“Vuçiçi siç dihet moti "ja ka shitur shpirtin djallit", tashti edhe sikur ai të mos pajtohet për destabilizimin e Ballkanit Perendimor është vonë. Pra, thënë ndryshe, ose do t'i miratojë urdhërat e Putinit ose e din se çka i ndodhi Prigozhinit dhe shumë tajkunëve tjerë rusë të cilët de fakto kishin shumë më shumë fuqi se Vuçiçi.
Siç dihet "bisha është më e rrezikshmja kur është e plagosur", andaj, konform kësaj thënie të urtë, unë pres një dimër shumë të ashpër për Ballkanin Perëndimor në tërësi. Thjeshtë nuk do të habitem për asgjë”, përmbyll ai.
