Tre persona kanë përfunduar në prangat e policisë Shkodër. Mësohet se ata u kapën në flagrancë në 2 lokale, duke organizuar baste sportive, me celularë.
Sakaq, në cilësinë e provës materiale janë sekuestruar 4 celularët që përdoreshin për këtë veprimtari të paligjshme.
Njoftimi i Policisë:
Shkodër/Kontrolle të befasishme në lokale ku dyshohet se ushtrohet veprimtaria e kundraligjshme e lojërave të fatit
Arrestohen 3 shtetas, pasi u kapën në flagrancë në 2 lokale, duke organizuar lojëra fati, me celularë.
Specialistët për Hetimin e Krimeve të Komisariatit të Policisë Shkodër, nga kontrollet e vazhdueshme në ambiente të ndryshme, të kryera me qëllim goditjen e rasteve të organizimit të kundërligjshëm të lojërave të fatit, kanë konstatuar se në 2 lokale në Shkodër, organizoheshin lojëra fati (baste sportive).
Në vijim të veprimeve procedurale u arrestuan shtetasit V. Gj., 28 vjeç, D. D., 38 vjeç, V. K., 44 vjeç, të tre banues në Shkodër. Në cilësinë e provës materiale janë sekuestruar 4 celularët që përdoreshin për këtë veprimtari të paligjshme.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.
