Zëvendëskryeministrja dhe njëherësh Ministrja e Infrastrukturës dhe Energjisë, Belinda Balluku ka inspektuar punimet që po kryhen në rrugën Elbasan-Qafë Thanë, saktësisht në Lotin 3 të kësaj nyjeje infrastrukturore, e cila është pjesë e projektit të “Korridorit 8”.
Ajo theksoi se kjo vepër përgjithësisht ndjek shtratin e lumit të Shkumbinit, ndërsa në disa pjesë është dashur të ketë trase të ngritura, me qëllim që zbatimi i projektimit të shkojë sipas planeve.
“Gjithë kjo vepër ndjek shtratin e lumit Shkumbin. Në disa zona kemi trase të ngritura. Në disa zona është përdorur dhe traseja ekzistuese, ndërsa në disa zona kemi bërë dhe mbrojtjen lumore.
Të gjitha Projektet e infrastrukturës janë të lidhura me njëra-tjetrën. Këtu Korridori 8, ka dhe një komponent tjetër, që është dhe hekurudha, për të cilën kemi aplikuar dhe presim fondin”, tha ajo.
