Studiuesit kinezë kanë zhvilluar kohët e fundit një metodë me efikasitet të lartë për sintetizimin e niseshtës artificiale dhe proteinave mikrobike nga kërcelli i misrit. Kjo metodë mund të zvogëlojë koston e prodhimit të niseshtesë artificiale dhe të sigurojë një mënyrë të re për të prodhuar ushqim, raporton Xinhua.
Rritja e popullsisë dhe ndryshimet klimatike paraqesin sfida të mëdha për sigurinë ushqimore. Shndërrimi efikas i mbetjeve bujqësore në ushqim artificial është një mënyrë e rëndësishme për të lehtësuar krizën ushqimore dhe për të arritur një zhvillim të qëndrueshëm bujqësor.
Studiuesit nga Instituti Kërkimor i Bioteknologjisë i Akademisë Kineze të Shkencave Bujqësore dhe institucione të tjera me bazë në Kinë përdorën një sistem molekular me shumë enzima dhe maja buke për të kthyer celulozën në kërcell misri në niseshte artificiale dhe për të prodhuar proteina mikrobike me fermentim në kushte aerobike.
I gjithë procesi i prodhimit kërkon vetëm një investim të vogël në pajisje, nuk kërkon input koenzimash apo energjie dhe nuk çon në humbje sheqeri, duke ofruar mundësinë e prodhimit të niseshtesë artificiale dhe proteinave mikrobike me një kosto të ulët, sipas studimit.
Studimi është publikuar në revistën Science Bulletin.
