Drita, kampione në fuqi, ka pësuar humbje nga Fer Volley me rezultat 2:3 (13:25, 25:17, 15:25, 25:18, 13:15).
“KV Fer Volley ka arritur një fitore dramatike dhe të rëndësishme ndaj KV Drita në një ndeshje të fortë dhe emocionuese të xhiros së tretë në Ligën Gjergj Kastrioti.
Përballja filloi me dominim të Fer Volley, që e fitoi setin e parë në mënyrë bindëse me rezultat 13:25, falë një lojë të organizuar dhe efikase.
Në setin e dytë, Drita rikuperoi forcë dhe energji, duke triumfuar 25:17 dhe barazuar rezultatin e përgjithshëm.
Seti i tretë iu rikthye Fer Volley, që me sulme të sakta dhe mbrojtje të fortë e fitoi 15:25. Por, Drita nuk u dorëzua dhe reagoi fuqishëm në setin e katërt, duke fituar 25:18 dhe duke e çuar ndeshjen në setin vendimtar.
Në setin e pestë, Fer Volley tregoi përvojën dhe qetësinë e duhur, duke fituar 13:15 dhe siguruar kështu fitoren përfundimtare me rezultat 2-3”, njofton FVK.
